Rusiya Qafqaz siyasətində israrlıdır

Rusiya Qara Dəniz Donanması üçün yeni yer kimi Gürcüstan ərazisinin işğal olunmuş hissəsini - Abxaziya Respublikasını seçib.

Xəbər verilir ki, Rusiya lideri Vladimir Putinlə birgə bu barədə sazişin imzalandığını qondarma respublikanın “prezidenti” Aslan Bjaniya “İzvestiya” qəzetinə müsahibəsində bildirib.

Rusiya Qara Dəniz Donanmasının bazasını Oçamçir rayonunda yerləşdirmək istəyir.

"Biz müqavilə imzaladıq və yaxın gələcəkdə Oçamçir bölgəsində Rusiya Hərbi Dəniz Qüvvələrinin daimi bazası olacaq", - Bjaniya bildirib.

Müsahibə ərəfəsində Bjaniya Putinlə "Sirius" təhsil mərkəzində (Soçi) ​​danışıqlar aparıb. Siyasətçilərin görüşü “Gürcüstan-Abxaz müharibəsində qələbənin 30 ili” ilə əlaqədar baş tutub.

Qeyd edək ki, Rusiya Abxaziyanın "müstəqilliyini" 2008-ci ildə rus qoşunlarının Gürcüstana daxil olmasından sonra tanıyıb. Rəsmi olaraq Rusiya Silahlı Qüvvələrinin 7-ci birgə hərbi bazası 2009-cu ildən Gürcüstan regionunda yerləşir.

Becan.az