İran içindəkiləri gizlədə bilmir

"İsrailin Qafqaz regionunda mövcudluğu təhlükəsizliyə töhfə vermir".

Bakupost.az Tasnim-a istinadla xəbər verir ki, bunu İran Xarici İşlər Nazirliyinin rəsmi nümayəndəsi Naser Kənani deyib.

“Sionist rejim İslam ölkələrində qeyri-sabitlik yaratmaqda öz maraqlarını güdür. Bu, bizim ikitərəfli və çoxtərəfli görüşlərdə, xüsusən də, təəssüf ki, rejimin qeyri-müəyyən vəziyyətinə əhəmiyyət vermədən İsraillə münasibətləri yaxşılaşdırmağa çalışan ölkələrlə danışıqlarımızda ifadə etdiyimiz aydın mövqedir, - Kənani deyib.

Onun sözlərinə görə, Azərbaycan prezidentinin nümayəndəsinin İrana son səfəri iki ölkə arasında münasibətlərin inkişafına və Qafqaz regionunda baş verən son hadisələrə uyğundur.

“Bu səfər Qafqaz regionunda şahidi olduğumuz son hadisələrlə əlaqədar ikitərəfli münasibətlərin inkişaf etdirilməsi istiqamətində iki ölkənin səylərinin davamı idi. Danışıqlar yaxşı keçdi və Azərbaycan tərəfi öz mövqeyini bildirdi. Danışıqlar çərçivəsində Azərbaycanın İrandakı səfirliyinin fəaliyyətini bərpa edə biləcəyi ilə bağlı konsensus var”, - deyə, o, qeyd edib.

Kənaninin sözlərinə görə, Tehranın Azərbaycan və Ermənistana problemlərinin həllində kömək etməyə hazır olduğunu bildirib.

Xarici İşlər Nazirliyinin nümayəndəsi həmçinin İran və Azərbaycan arasında Xəzər dənizində birgə təlimlər keçirildiyi haqda danışıb.

“Bu barədə təfərrüatlardan xəbərim yoxdur. Artıq iki ölkə arasında birgə əməkdaşlıq çərçivəsində mexanizmlər yaradılıb. Hərbi əməkdaşlıq baxımından yaxşı və məhsuldar görüşlərimiz oldu. Lazım gələrsə, Silahlı Qüvvələrin Baş Qərargahı əlavə açıqlanmalar verəcək”, - deyə, Kənani qeyd edib.