Alman nazirdən müharibə xəbərdarlığı - Avropada

Almaniyanın müdafiə naziri Boris Pistorius Avropada müharibə təhlükəsi barədə xəbərdarlıq edib.

Xəbər verilir ki, o, bu barədə ZDF telekanalına açıqlamasında deyib.

Pistorius Yaxın Şərqdəkinə bənzər böhranlar qarşısında Avropa cəmiyyətini “yeni mentalitet”ə çağırıb.

“Biz Avropada müharibə təhlükəsinin ola biləcəyi fikrinə yenidən öyrəşməliyik”, - Almaniyanın müdafiə naziri deyib.

O qeyd edib ki, Almaniya özünü müdafiə etməyə hazır olmalıdır.

Eyni zamanda, nazir Almaniyanın Yaxın Şərqdə gərginliyin qarşısını almaq üçün əlindən gələni edəcəyini bildirib.

Avropa Şurasının prezidenti Şarl Mişel isə öz növbəsində İsraillə HƏMAS arasında müharibənin Avropaya yeni qeyri-qanuni miqrant axınına səbəb ola biləcəyini deyib.

Ötən həftə amerikalı sahibkar İlon Mask da Avropanın “vətəndaş müharibəsinə doğru getdiyini” bildirib.

Becan.az