Ukrayna üçün ən böyük problem Rusiya PUA-larıdır

"Ukrayna prezidenti Vladimir Zelenski Rusiyanın pilotsuz uçuş aparatlarının bütün döyüş təmas xətti boyunca yaratdığı problemi həll edə bilmir".

Bunu Ukrayna ordusunun ehtiyatda olan general-mayoru Sergey Krivonos NEWSROOM telekanalına müsahibəsində bildirib.

O bildirib ki, Rusiya PUA-larının sayı o qədər çoxdur, onlar Ukrayna Silahlı Qüvvələrinin bütün hərəkət marşrutlarında peyda olur.

“Biz isə pulu Allah bilir, nələrə xərcləyirik və uduzmağa davam edəcəyik. Onların gecəgörmə kameralarından istifadə etdiklərini də nəzərə alsaq, gecələr sakitlik olmayacaq”, - deyə, ukraynalı general detalları bölüşüb.

Onun sözlərinə görə, Ukrayna rəhbərliyi hərbi iqtisadiyyatın inkişafına sərmayə qoymur, əksinə, “Kiyevin abadlaşdırılması” ilə məşğuldur.

Krivonos qeyd edib ki, hazırda Rusiya Silahlı Qüvvələri təkcə pilotsuz təyyarələrlə deyil, artilleriya sahəsində də Ukrayna ordusundan üstündür:

"Hakimiyyət isə bu vəziyyəti düzəltmək üçün heç bir iş görmür".

Becan.az