"Beynəlxalq birlik Fransanın casus şəbəkəsinin ifşasına reaksiya verməlidir” - AÇIQLAMA

“Məlum olduğu kimi, Ukrayna, Moldova, Gürcüstan, Azərbaycan, Şərqi Avropa, Yaxın Şərq və Mərkəzi Asiyanın bir sıra ölkələrində müxtəlif əməliyyatlara cəlb edilən Fransa xüsusi xidmət orqanlarının geniş agentura şəbəkəsi Azərbaycanda ifşa olunub. Aparılan araşdırmalar bir-biri ilə əlaqəli xüsusatlar şəbəkəsini aşkarlamağa imkan verən çox maraqlı aspektləri üzə çıxarıb. Belə ki, uzun illər casus şəbəkəsinin ştatdankənar əməkdaşı olmuş Fransa vətəndaşlarından biri könüllü olaraq Azərbaycan hüquq-mühafizə orqanları ilə əməkdaşlığa təşəbbüs göstərib. Fransanın cəsus şəbəkənin ifşa olunması Azərbaycan xüsusi xidmət orqanlarının peşəkarlığını göstərir. Bu əməliyyat sübut edir ki, təhlükəsizlik orqanları cəmiyyətimizin təhlükəsizliyinin, daxildən və xaricdən gələn təhdidlərin neytrallaşdırılması istiqamətində ardıcıl iş aparır və heç kim ölkəmizdə qeyri-sabitlik, xaos, anarxiya yarada bilməz”.

Bu fikirləri politoloq Zaur Məmmədov KİV-ə açıqlamasında deyib.


Onun sözlərinə görə, beləcə, Azərbaycan təkcə Fransanın casus şəbəkəsini ifşa etmədi, Ermənistan və onun arxasında duraraq ölkəmizə qarşı çirkin kampaniya aparan bütün qüvvələrə, mərkəzlərə zərbə vurdu.

Politoloq vurğulayıb ki, beynəlxalq birlik bu məsələyə dərhal reaksiya verməlidir. Axı, söhbət adi bir ölkədən getmir, Fransa BMT Təhlükəsizlik Şurasının 5 daimi üzvündən biridir:

"Fransanın bu fəaliyyəti beynəlxalq hüquq normalarına, ölkələr arasında qurulan səmimi münasibətlərə zərbədir".

Becan.az