Gürcüstanın Baş naziri niyə istefa verdi?..

Gürcüstanın Baş naziri İrakli Qaribaşvilinin istefası təkcə kənar müşahidəçilər üçün deyil, həm də Gürcüstanın özündə gedən siyasi proseslərin birbaşa iştirakçıları üçün sürpriz oldu.

Xarici KİV-də onun istefası ilə bağlı bir sıra şərhlər yayılıb. Belə ki, İvanişviliyə yaxın ekspert Gia Xuxaşvili hesab edir ki, bu istefa əvvəlcədən planlaşdırılmayıb və kortəbii baş verib. Onun sözlərinə görə, Qaribaşvilinin çıxışında siyasi gələcəyi ilə bağlı heç nə deməməsi də onu çaşdırıb. Eyni zamanda, bəzi digər ekspertlər baş nazirin istefasının 2026-cı ildə keçiriləcək parlament seçkiləri ilə bağlı ola biləcəyini ehtimal edirlər.


Gürcüstan mətbuatının ehtimallarına görə, keçmiş baş nazir İvanişvilinin etibarlı adamı kimi, o, “Gürcü Arzusu – Demokratik Gürcüstan” partiyasının seçki qərargahına rəhbərlik edə bilər. O, həmçinin “Gürcü arzusu” koalisiyasının seçki siyahısında da yer ala bilər.

Xatırladaq ki, məhz Qaribaşvilinin istefası ərəfəsində mühüm hadisə baş verdi: Gürcüstan ehtiyatla olsa da, Aİ ilə arzuladığı vizasız rejimi aldı. İstisna deyil ki, bəzi siyasi strateqlər qarşıdan gələn seçkiləri nəzərə alaraq, Qaribaşvilinin uğurlarının zirvəsində vəzifədən getməsini məqsədəuyğun sayıblar. Çünki seçkilərə qədər qalan vaxt ərzində o vəzifədə qalsaydı, əldə olunan uğurunların təəssüratını korlaya bilərdi. Ötən il, həmçinin Qaribaşvilinin baş nazirliyi dövründə Gürcüstan Aİ ilə assosiasiya sazişi imzalayıb. Bütün bunlar “Gürcü arzusu” üçün seçkilərdə mühüm "kozır"lara çevrilə bilər.

Qaribaşvili baş nazir kimi tamamilə sağlam düşüncəli və praqmatik siyasət yeridir, Rusiya ilə Qərb arasında ehtiyatla manevr edirdi. Bu mənada, Gürcüstanda nəyinsə köklü şəkildə dəyişməsi mümkün deyil. Onun varisi çox güman ki, sırf “texniki” baş nazir olacaq. Artıq mümkün namizədlərdən biri kimi keçmiş baş nazir Georgi Kvirikaşvilinin adı çəkilir.


Bakupost.az