Mahmudbəyov Abutalıbovu məhkəməyə verir: "Ya ev, ya həbs!.."

Xalq artisti Şeyx Əbdül Mahmudbəyov Bakı Şəhər İcra Hakimiyyətinin sabiq başçısı Hacıbala Abutalıbovu məhkəməyə verməyə hazırlaşır.

Bununla bağlı KİV-ə Əbdül Mahmudbəyov özü açıqlama verib.

O, Hacıbala Abutalıbovun məhkəmə qətnamələrini icra etmədiyi üçün yenidən məhkəməyə müraciət etmək məcburiyyətində qaldığını vurğulayıb:

“Hacıbala Abutalıbov əvvəl vəzifədə idi, bundan sui-istifadə edib, məhkəmə qətnamələrini icra etmirdi. İndi vəzifədə deyil, ya mənim mənzilimi versin, ya da həbs edilsin. Mətbuat üçün böyük bir müraciət hazırlayıram, ardıyca isə vəkilim məhkəməyə müraciət edəcək”.

Qeyd edək ki, “Qış Parkı”nın tikintisi zamanı Əbdül Mahmudbəyovun evinə ziyan dəyib. Məhkəmənin qərarına əsasən, Hacıbala Abutalıbov evi təmir etdirməli və ya dəymiş ziyanı ödəməlidir.

Becan.az