Manisada Azərbaycan və Türkiyə Mədəniyyəti Gecəsi keçirilib
Manşet / Mədəniyyət
19:55
22.11.2025
749
Manisa Turgutlu Azərbaycan Mədəniyyət Dərnəyi dünən Azərbaycan və Türkiyə şairlərinin şeirləri ilə zəngin bir gecə keçirdib. Gecə 24 noyabr Müəllimlər Gününə həsr olunub.
Gecədə dərnəyin sədri Ünal Kağba, Turgutlu Bələdiyyə Başçısının müavini Hüseyin Malis, xalq şairi Bayram Ali Çelikten, SAKÜDER sədri və xalq şairi Gündüz Aydın, Türkiyə-Azərbaycan Federasiyası başçı müavini Eşref Tuna, eləcə də digər yazıçılar, siyasi partiya nümayəndələri, qeyri-hökumət təşkilatları, jurnalistlər, müəllimlər və şairlər iştirak ediblər.
Kütahiyadan gəlmiş Aşıq Mustafa Sarı sazı və sözləri ilə gecəyə rəng qatıb. İzmirdən HAN Teatrı heyəti gecənin ən rəngarəng iştirakçılarından biri olub. Teatrın qurucusu və baş sənət rəhbəri Rüçhan Gürel, Azərbaycan mədəniyyət elçisi Roza İbadova Koçamaz, teatr oyunçuları Pınar Peynircioğlu və Onur Peynircioğlu gecədə iştirak ediblər.
Gecə Mikayil Müşfiq, Hüseyn Cavid, Əhməd Cavad, Mehmet Akif və Bəxtiyar Vahabzadənin şeirləri ilə işıqlandırılıb və iştirakçılara unudulmaz anlar yaşadıb.
Becan.az
Oxşar xəbərlər
