Azərbaycanlı mütəxəssis Türkiyədə 14 nəfərin xilasına bu cihazla kömək edib - FOTO
Gündəm
21:16
16.02.2023
525
Azərbaycanlı mütəxəssis Ceyhun Xəlilov özünün qabaqcıl təsvir aparatı ilə Türkiyədəki zəlzələdə 14 nəfərin dağıntılar altından çıxarılmasına böyük töhfə verib.
“Qafqazinfo” xəbər verir ki, Ceyhun Xəlilov bu haqda “Anadolu” agentliyinə danışıb.
Mütəxəssis “Əsrin fəlakəti” olan zəlzələdə axtarış-xilasetmə işlərinə təkmilləşmiş dağıntıaltı görüntü cihazı ilə dəstək verib.
İstifadə etdiyi cihazın qabaqcıl xüsusiyyətlərə malik olduğunu bildirən Xəlilov, iki kamera və akustik səs yazıcıdan ibarət sistemin dağıntılar altındakı vəziyyəti göstərə bildiyini və dağıntılar altında olanlarla qarşılıqlı əlaqə imkanı təqdim etdiyini bildirib.
Ceyhun Xəlilov Ukraynada Milli Müdafiə Universitetini bitirdiyini, həmçinin Türkiyədə dağıntıaltı görüntüləmə sistemləri üzrə təhsil aldığını qeyd edib. Azərbaycanlı mütəxəssis zəlzələ bölgəsinə fevralın 8-də getdiyini bildirib.
Oxşar xəbərlər
