Rusiyanın Ukraynada son sutkada hərbi itkiləri - SİYAHI
Dünya
19:48
26.02.2023
555
Ukrayna Silahlı Qüvvələrinin Baş Qərargahı məlumat yayıb ki, Rusiya hərbi qüvvələri son sutkada daha 660 hərbçisini itirib.
Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 148 130 nəfərə çatıb.
Həmçinin, son sutka ərzində Rusiyaya məxsus 6 tank, 6 zirehli döyüş maşını, 7 artilleriya sistemi Ukrayna ordusu tərəfindən sıradan çıxarılıb.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibədən artıq bir il ötdü. Bu müddət ərzində Rusiya Ukraynanın Xerson və Zaporojye vilayətlərini işğal edib, eləcə də qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
Becan.az
Oxşar xəbərlər
