Erməni quldurları Qarabağda yeni yol düzəldir - VİDEO

Rusiya sülhməramlı kontingentinin müvəqqəti yerləşdiyi Azərbaycan ərazilərində yerləşdirilmiş qeyri-qanuni erməni silahlı birləşmələri qanunsuz fəaliyyətlərini davam etdirir.

Müdafiə Nazirliyinin yaydığı məlumata görə, qeyri-qanuni erməni silahlı birləşmələri tərəfindən döyüş mövqelərinə hərbi daşımaların həyata keçirilməsi məqsədilə, mühəndis və xüsusi texnikanın cəlb edilməsilə Xankəndi-Xəlfəli-Turşsu yolununn şimalından keçən yeni Xankəndi-Kosalar-Mirzələr-Turşsu yolunun çəkilməsi müəyyən edilib:

"Ermənistan tərəfinin Azərbaycanın Qarabağ iqtisadi rayonunda, qanunsuz fəaliyyətlər həyata keçirməklə, üçtərəfli Bəyanatın müddəalarını kobud şəkildə pozması, eləcə də sülhməramlı kontingentin üzərinə düşən vəzifə borcunu yerinə yetirməməsi bölgədə gərginliyin artmasına zəmin yaradır.

Bildiririk ki, bu kimi təxribatlar və qanunsuz fəaliyyətlər nəticəsində baş verə biləcək tələfata görə bütün məsuliyyət rəsmi İrəvanın hərbi-siyasi rəhbərliyinin üzərinə düşür".


Becan.az