Azərbaycan və Tacikistan prezidentləri bir sıra mühüm məsələləri müzakirə edib

Qeyd etdiyimiz kimi, bu gün Azərbaycan Prezidenti Tacikistanda dövlət səfərində olub.

Məlumata görə, əsas diqqət ticarət-iqtisadi əlaqələrin möhkəmləndirilməsinə, investisiyalar, sənaye kooperasiyası, kənd təsərrüfatı, nəqliyyat və yanacaq-enerji kompleksinə yönəldilib.

Nəqliyyat və tranzit sahəsində Tacikistandan yük daşımalarının artırılması üçün Azərbaycanın tranzit imkanlarından fəal istifadə olunması barədə prezidentlər arasında fikir mübadiləsi aparılıb.

Görüşdə təhlükəsizlik məsələləri də müzakirə olunub. Tərəflər beynəlxalq terrorizm, ekstremizm, narkotik maddələr və silahların qanunsuz dövriyyəsi, kibercinayətkarlıq və transmilli mütəşəkkil cinayətkarlığın digər formaları ilə mübarizədə qarşılıqlı fəaliyyətin möhkəmləndirilməsinə tərəfdar olduqlarını bildiriblər.

Regional təhlükəsizliyə dair aktual problemlərlə bağlı fikir mübadiləsi də olub. O cümlədən, beynəlxalq arenada və təşkilatlar çərçivəsində sıx əməkdaşlığın vacibliyi vurğulanıb.

Becan.az