"Mahir "Trabzonspor"la matçda əsas heyətdə olacaq"
İdman
21:54
27.04.2023
758
"Konyaspor"un sağ cinah futbolçusu Mahir Emrelinin "Trabzonspor"la matçda start heyətdə meydana çıxa bilər.
Qol.az xəbər verir ki, bu barədə Konyada nəşr olunan "Hakimiyyet" qəzetində dərc olunan yazıda bildirilir.
Yazıda qeyd edilir: "Adana Demirspor"la matçda ilk qolunu vuran azərbaycanlı hücumçunun "Kasımpaşa" ilə görüşdə əsas heyətdə çıxış edəcəyi gözlənilirdi. Amma baş məşqçi Aleksandar Stanoyeviç Dioufla oyun uyğunluğu üst-üstə düşən Muriçi start heyətdə meydana buraxdı. Həmin görüşdə Muriçin zədələnərək meydanı tərk etməsi səbəbindən Mahir oyuna daxil oldu. Sağ cinahda çıxış edən digər futbolçu Kondrad Mixalax 2 ay sonra təzədən heyətə qayıtmasına rəğmən Stanoyeviçin "Trabzonspor"la görüşdə daha hazırlıqlı olan Emreliyə şans verəcəyi gözlənilir".
Qeyd edək ki, aprelin 29-u keçiriləcək Türkiyə superliqasının 30-cu turunun "Konyaspor" - "Trabzonspor" görüşü Bakı vaxtı ilə saat 17:00-da başlayacaq.
Oxşar xəbərlər
