Fars rejimi Əfqanıstan vətəndaşlarını asdı

İranın Kərəc şəhərinin Qızılhisar həbsxanasında saxlanılan iki Əfqanıstan vətəndaşı edam edilib.

Bu haqda “Azad İran” Teleqram kanalı məlumat yayıb.

İnsan haqları təşkilatları bildirib ki, edam edilən şəxslər adam öldürməklə günahlandırılıb.

Bununla yanaşı, Fridunkənar, Zəncan və Rəşt şəhərlərində də narkotik maddələrin alveri və adam öldürməkdə ittiham olunan 4 məhbusun edam hökmünün icra edildiyi bildirilib.

Edam edilənlər arasında 5 qadın və 5 xarici vətəndaşın da adı var.

Qeyd edək ki, 2023-cü il mayın 15-ə kimi İran həbsxanalarında 245 nəfər edam edilib. Onlardan 9-u siyasi mövqeyinə görə həbs edilən şəxslərdir.