Əliyev-Paşinyan görüşündə iki sənəd imzalana bilər - "Kommersant"

Moskvada keçirilən Əliyev-Paşinyan görüşünün sonunda iki sənəd imzalana bilər.

Bu barədə Rusiyanın “Kommersant” qəzeti bildirib.

Nəşrin məlumatına görə, sənədlərin razılaşdırılması ilə bağlı koordinasiya mayın 24-də bütün günü davam edib:

"Birinci sənədi baş nazirin müavinləri hazırlayıb. Bu sənəd nəqliyyat kommunikasiyalarının açılması haqqındadır. İkinci sənəd Əliyev, Paşinyan və Putinin beşinci birgə bəyanatıdır. Bu sənədi isə üç ölkənin xarici işlər nazirlikləri hazırlayıb".

Ekspertlərin fikrincə, ikinci sənəddə əsas məqam Ermənistan və Azərbaycanın qarşılıqlı şəkildə bir-birinin ərazi bütövlüyünün tanınmasıdır:

"Birinci sənəd bir tərəfdən Ermənistanla Qarabağ arasında, digər tərəfdən isə Naxçıvanla Azərbaycanın qalan hissəsi arasında kommunikasiyaların bərabər statusunu təsdiq etməlidir".