Cüzi bir təkan o binaları uçura bilər” - Ekspert
Sosial
10:38
26.05.2023
634
“Məlum olduğu kimi, artıq paytaxtda qəzalı vəziyyətdə olan yataqxanaların sökülməsinə başlanılıb. Onlar sovet dövründə inşa olunduğundan artıq istimar müddətini başa vurub. Söküləcək binaların bəziləri tələbələrin, bəziləri isə zavod və müəssisələrin yataqxanalarıdır. Yaxşı olardı ki, həmin yataqxanalar sökülərək yerində çoxmərtəbəli yataqxanalar inşa olunsun. Bu tələbələrin kirayə problemini aradan qaldırmış olar”.
Bunu Bakupost.az-a açıqlamasında əmlak məsələləri üzrə ekspert Elnur Fərzəliyev deyib.
O bildirib ki, tələbə yataqxanalarının böyük əksəriyyətində məcburi köçkünlər yaşayır:
"Hazırda işğaldan azad olunan ərazilərdə yenidənqurma işləri aparılır. Yaxın gələcəkdə tələbə yataqxanalarında müvəqqəti məskunlaşan məcburi köçkünlər öz doğma yurd-yuvalarına köçürüləcək. Artıq məcburi köçkünlərin köçürülməsi prosesinə başlanılıb və bir çox ərazilərdə tələbə yataqxanaları boşaldılıb. Boşaldılan yataqxanaların çoxu qəzalı vəziyyətdədir. Hətta aşağı ballı zəlzələ, cüzi bir təkan nəticəsində o binalar uça, dağıla bilər. Ona görə də ilk növbədə qəzalı vəziyyətdə olan yataqxanalar sökülməlidir”.
Oxşar xəbərlər
