Türkiyə xüsusi təyinatlıları Kosovada

Türkiyə Müdafiə Nazirliyi ölkənin xüsusi təyinatlılardan ibarət batalyonunu Kosovoda yerləşdirməyə başladığını açıqlayıb.

Becan.az “Report”a istinadla xəbər verir ki, bu barədə nazirliyin tvitter səhifəsində məlumat yerləşdirilib.

Qeyd olunub ki, hərbçilər NATO-nun müraciəti əsasında göndərilib.

“Baş verən hadisələrdən sonra bölgədə yerləşən 65-ci motoatıcı briqadamızın xüsusi təyinatlı batalyonu Kosovoya yerləşdirilməyə başlayıb”, - deyə, nazirlikdən bildirilib.

Qeyd edək ki, bir müddət əvvəl Türkiyə Müdafiə Nazirliyi Ankaranın NATO-nun tələbi ilə Kosovoya xüsusi təyinatlılardan ibarət batalyon göndərəcəyi barədə məlumat yaymışdı.