Deputat: “Kasıblar taksi xidmətlərindən kənar qala bilər”
Cəmiyyət
17:21
12.06.2023
867
“Taksilərlə bağlı qaydalarda müəyyən dəyişikliklər nəzərdə tutulub. Hüquqi cəhətdən burada səhv tapmaq olmaz. Çünki deyilir ki, maşınlara taksometrlər qoyulsun, daşıma, xidmət xərclərini müəyyən etsin. Yəni, qeydiyyata alınsın ki, dəqiqlik olsun. Amma "Dövlət rüsumu haqqında" qanunda dəyişiklik edilməsi, məbləğlərin artırılması bir qədər məndə narahatlıq yaradır. Belə ki, taksi sifarişi operatoru fəaliyyətinə icazənin verilməsi üçün rüsumun 3 min manat olması təklif edilir. Ola bilər ki, hamının taksi xidməti operatorluğuna, yaxud taksi xidmətinə imkanı olmasın. Nəticədə müəyyən qədər inhisarçılıq ortaya gələ, kasıb kütlə taksi xidmətlərindən kənar qala bilər”.
Bu sözləri açıqlamasında Milli Məclisin İnsan hüquqları komitəsinin sədr müavini Tahir Kərimli deyib.
“Doğrudur, indiki vəziyyətdə bütün hər şeydə qanuna dürüst riayət olunmasa da, kasıb insanlar taksi xidmətindən istifadə edəndə məmnun qalırdılar. Çünki xidmət haqqı aşağı idi. Həm də taksi sürücüləri az-çox dolanışıq əldə edirdilər. Bu məsələlər necə tənzimlənəcək? - mənim üçün bir qədər qaranlıq və narahatedicidir”, - deyə, deputat bildirib.(Pravda.az)
Oxşar xəbərlər
