Priqojinin 600 döyüşçüsü Moskvaya uçdu - Nə baş verir?

"Vaqner" Özəl Hərbi Şirkətinin təxminən 500-600 muzdlusu Mərkəzi Afrika Respublikasının paytaxtından Moskvaya uçub.

Bakupost.az xəbər verir ki, bu barədə Jeune Afrique nəşri yazıb.

Nəşrin məlumatına görə, daha bir təyyarə uçuşa hazırlaşır.

Qeyd olunur ki, “Vaqner”in komandiri, Mərkəzi Afrika Respublikası prezidentinin müşaviri Vitali Perfiliyevin bundan sonra burada fəaliyyətini davam etdirməsi də sual altındadır. Priqojinin üsyanından sonra Kreml onu və ölkədəki digər kurator və döyüşçüləri, o cümlədən Aleksandr İvanovu və "Rusiya Evi"nin direktoru Dmitri Sıtoyu dəyişdirmək qərarına gəldi. Artıq bu barədə Moskvanın MAR hakimiyyətini xəbərdar etdiyi bildirilir.