ABŞ-da dəhşətli istilərə görə xəbərdarlıq edildi
Dünya
21:00
11.07.2023
1 262
ABŞ-da təxminən 37 milyon insanın həyatı həddindən artıq istilərə görə risk altındadır.
Bakupost.az xarici KİV-ə istinadən xəbər verir ki, ABŞ-ın şimal-qərbindən cənub-şərqinə qədər bir çox ştatlarda yaşayan 37 milyona yaxın insana təhlükəli hava şəraiti ilə bağlı xəbərdarlıq edilib.
Milli Meteoroloji Xidmətin (NWS) verdiyi açıqlamada Sakit okean sahillərindən cənub-qərbdə səhralara və şərqdə Floridaya qədər uzanan bölgədə həddindən artıq istilərin təsirinin davam edəcəyi bildirilib. Açıqlamada sözügedən ərazidə yaşayan təxminən 37 milyon sakindən həyati təhlükələrə səbəb olacaq istilərlə əlaqədar diqqətli olmaları istənilib.
Ekstremal temperaturun həftə sonuna qədər davam edəcəyi və xəstəliklərin arta biləcəyi qeyd edilib.
Keçən il Arizona əyalətinin paytaxtı Feniksdə temperatur 9 gün dalbadal 43 dərəcənin üzərində olub. Bu il isə temperaturun təxminən 18 gün ərzində eyni dərəcədən aşağı düşməyəcəyi bildirilib.
Phoenixdə iyulun 17-nə qədər temperaturun 45 dərəcə ətrafında qalacağı təxmin edilib. Sıx məskunlaşan əyalətlərdən biri olan Floridanın bəzi bölgələrində 16 iyula qədər havanın temperaturunun 43 dərəcəyə çatacağı ifadə edilib.
Həmçinin, ABŞ-ın cənubundakı Meksika körfəzi sahilində yerləşən Texas ştatının El Paso şəhərində havanın temperaturunun 1951-ci ildən bəri ilk dəfə 42 dərəcədən yuxarı qalxdığı qeyd edilib.(Bakupost)
Oxşar xəbərlər
{sape_links}