Əliağa Vahid yadigarının sosial vəziyyəti acınacaqlı durumda - VİDEO

Dahi qəzəlxan Əliağa Vahidin qızı Firəngiz xanımın sosial vəziyyəti yaxşı deyil.

Axşam.az xəbər verir ki, bu haqda tarzən Humay Qədimova məlumat yayıb. O bildirib ki, 68 yaşı olan Firəngiz xanımı ziyarət edib və onun durumu ilə maraqlanıb:

"Əliağa Vahid Azərbaycanın poeziyasına orta əsr qəzəl üslubunu yenidən gətirməklə tanıdıb. Onun yadigarı Firəngiz xanımla görüşdüm. Sosial vəziyyəti çox acınacaqlı durumdadır. İşsizdir, təkdir, evi çox pis və təmirsiz vəziyyətdədir".

Humay xanəndələr və meyxanaçılara səslənərək, onlardan yardım etmələrini istəyib.

Qeyd edək ki, Ə.Vahidin digər övladı, oğlu Ramiz İsgəndərov dünyasını dəyişib.