Ağsuda qaz idarəsinin işçiləri abonenti incidir? – İDDİA
Bölgə
14:12
2.08.2023
1 828
Rəis müavininin şikayətçiyə cavabı
Ağsu Regional Qaz İstismar İdarəsi(RQİİ) Ağsu Xidmət Sahəsinin(XS) əməkdaşları tərəfindən abonentin incidilməsinə dair redaksiyamıza şikayət yüklü müraciət daxil olub. Müraciəti saytımıza Ağsu şəhər sakini Orxan Mahir oğlu Mirzəzadə ünvanlayıb.
Şikayətçi bildirir ki, Agsu şəhərinin Babək kucəsində yaşayır. Onun sözlərinə görə, 2022-ci ilin dekabr ayında Ağsu RQİİ XS-nin əməkdaşları, xəbər vermədən, istifadəsində olan smart tipli qaz sayğacını dəyişdirərək, onu mexaniki qaz sayğacıyla əvəzləyiblər:
"Abonent kodumu itirdiklərini deyən qaz işçiləri 2023-ci ilin mart ayının 28-ə qədər dolandırıcı yollara əl atdılar. Üç ay muddətində mən faktiki istifadə etdiyim qazın pulunu odədim. Mart ayında, necə oldusa, qaz işçiləri abonent kodumu tapa bildilər. Abonent kodunu gətirib mənə təqdim elədilər, üstündə də 400 manat qazdan istifadə borcu! Çaşıb qaldım. Çünki mənim smartkartla qaz sərfiyyatm qış aylarında maksimum 30 manat, yay aylarında isə 3 manat olub.
Nə isə, çox uzatmadım, dedim, eybi yox, hissə-hissə ödəyərəm. Borcu hissə-hissə ödəməyimə Ağsu RQİİ XS-nin rəis müavini Həbib Quliyev də etiraz etmədi, çox asanlıqla razılaşdı. Amma sonra nələr baş verəcəyini əvvəlcədən bilmədim.
İyul ayı ərzində 3 manatlıq qaz sərfiyyatım olduğu halda, borca görə 70 manat pul ödədim. Əvəzində, bir neçə gün əvvəl qaz işçiləri gəlib dedilər ki, bizi Həbib müəllim göndərib, qazın verilişini dayandırmalıyıq. Səbəbini soruşanda, "qaza olan borcunu tam ödəməlisən" dedilər.
Belə çıxır ki, Həbib Quliyev smartkart sayğacını mexaniki sayğacla əvəzləməklə, abonentlərin ayağına əlavə borc yükləyir, əvvəlcə hissə-hissə ödə deyir, bir neçə ay sonra isə çökür abonentin boğazına ki, borcun hamısını ödə!.. Bu özbaşınalıqdır, vəzifədən sui-istifadədir! Camaat ərzaq almağa pul tapmır, qaz işçilərisə əhalinin çətin vəziyyətində "qaz vurub, qazan doldurmaq"la məşğuldurlar!"
Şikayətçi Orxan Mirzəzadə saytımız vasitəsilə aidiyyatı qurumlara müraciət edib, yenidən qaz sayğacının smartla əvəzlənməsini istəyir:
"İnanıram ki, "Azəriqaz" rəhbərliyi tez bir zamanda mənim şikayətimi araşdıracaq və yaranmış problemi yoluna qoyacaq".
Məsələ ilə bağlı Ağsu RQİİ Ağsu XS-nin rəis müavini Həbib Quliyevlə əlaqə saxladıq. H.Quliyev bildirdi ki, abonent şikayət etməkdə haqlı deyil, çünki istənilən vətəndaş istifadə etdiyi qazın pulunu ödəməlidir:
“Orxan Mirzəzadə müraciətində məlumatları düzgün qeyd etməyib. Onun istifadə etdiyi smart tipli qaz sayğacı mexaniki sayğacla 01.04.2022-ci il tarixində dəyişdirilib. Həmin tarixdən bu günə qədər, yəni 15 ay ərzində Orxan Mirzəzadə 396 manat həcmində mavi yanacaq yandırıb. Lakin, o, bu müddət ərzində cəmi 175 manat pul ödəyib, 221 manat isə borcu qalıb. İndi həmin abonent deyir ki, borcu sayğacının yenidən smart tipli sayğacla təmin olunacağı halda ödəyəcək. Yəni, istifadə etdiyi qazın pulunu ödəmək istəmir. Smart tipli sayğacların mexaniki sayğaclarla əvəzlənməsi isə “Azəriqaz”ın təlimat və tapşırığı əsasında aparılıb və smart sayğaclar dövriyyədən çıxarılıb. Biz qanundan kənara çıxa bilmərik. Odur ki, Orxan Mirzəzadə qazdan istifadəyə görə yaranmış borcunu mütləq şəkildə ödəməlidir, əks təqdirdə, ona göstərilən qaz xidməti dayandırılacaq”.
Becan.az
Ağsu Regional Qaz İstismar İdarəsi(RQİİ) Ağsu Xidmət Sahəsinin(XS) əməkdaşları tərəfindən abonentin incidilməsinə dair redaksiyamıza şikayət yüklü müraciət daxil olub. Müraciəti saytımıza Ağsu şəhər sakini Orxan Mahir oğlu Mirzəzadə ünvanlayıb.
Şikayətçi bildirir ki, Agsu şəhərinin Babək kucəsində yaşayır. Onun sözlərinə görə, 2022-ci ilin dekabr ayında Ağsu RQİİ XS-nin əməkdaşları, xəbər vermədən, istifadəsində olan smart tipli qaz sayğacını dəyişdirərək, onu mexaniki qaz sayğacıyla əvəzləyiblər:
"Abonent kodumu itirdiklərini deyən qaz işçiləri 2023-ci ilin mart ayının 28-ə qədər dolandırıcı yollara əl atdılar. Üç ay muddətində mən faktiki istifadə etdiyim qazın pulunu odədim. Mart ayında, necə oldusa, qaz işçiləri abonent kodumu tapa bildilər. Abonent kodunu gətirib mənə təqdim elədilər, üstündə də 400 manat qazdan istifadə borcu! Çaşıb qaldım. Çünki mənim smartkartla qaz sərfiyyatm qış aylarında maksimum 30 manat, yay aylarında isə 3 manat olub.
Nə isə, çox uzatmadım, dedim, eybi yox, hissə-hissə ödəyərəm. Borcu hissə-hissə ödəməyimə Ağsu RQİİ XS-nin rəis müavini Həbib Quliyev də etiraz etmədi, çox asanlıqla razılaşdı. Amma sonra nələr baş verəcəyini əvvəlcədən bilmədim.
İyul ayı ərzində 3 manatlıq qaz sərfiyyatım olduğu halda, borca görə 70 manat pul ödədim. Əvəzində, bir neçə gün əvvəl qaz işçiləri gəlib dedilər ki, bizi Həbib müəllim göndərib, qazın verilişini dayandırmalıyıq. Səbəbini soruşanda, "qaza olan borcunu tam ödəməlisən" dedilər.
Belə çıxır ki, Həbib Quliyev smartkart sayğacını mexaniki sayğacla əvəzləməklə, abonentlərin ayağına əlavə borc yükləyir, əvvəlcə hissə-hissə ödə deyir, bir neçə ay sonra isə çökür abonentin boğazına ki, borcun hamısını ödə!.. Bu özbaşınalıqdır, vəzifədən sui-istifadədir! Camaat ərzaq almağa pul tapmır, qaz işçilərisə əhalinin çətin vəziyyətində "qaz vurub, qazan doldurmaq"la məşğuldurlar!"
Şikayətçi Orxan Mirzəzadə saytımız vasitəsilə aidiyyatı qurumlara müraciət edib, yenidən qaz sayğacının smartla əvəzlənməsini istəyir:
"İnanıram ki, "Azəriqaz" rəhbərliyi tez bir zamanda mənim şikayətimi araşdıracaq və yaranmış problemi yoluna qoyacaq".
Məsələ ilə bağlı Ağsu RQİİ Ağsu XS-nin rəis müavini Həbib Quliyevlə əlaqə saxladıq. H.Quliyev bildirdi ki, abonent şikayət etməkdə haqlı deyil, çünki istənilən vətəndaş istifadə etdiyi qazın pulunu ödəməlidir:
“Orxan Mirzəzadə müraciətində məlumatları düzgün qeyd etməyib. Onun istifadə etdiyi smart tipli qaz sayğacı mexaniki sayğacla 01.04.2022-ci il tarixində dəyişdirilib. Həmin tarixdən bu günə qədər, yəni 15 ay ərzində Orxan Mirzəzadə 396 manat həcmində mavi yanacaq yandırıb. Lakin, o, bu müddət ərzində cəmi 175 manat pul ödəyib, 221 manat isə borcu qalıb. İndi həmin abonent deyir ki, borcu sayğacının yenidən smart tipli sayğacla təmin olunacağı halda ödəyəcək. Yəni, istifadə etdiyi qazın pulunu ödəmək istəmir. Smart tipli sayğacların mexaniki sayğaclarla əvəzlənməsi isə “Azəriqaz”ın təlimat və tapşırığı əsasında aparılıb və smart sayğaclar dövriyyədən çıxarılıb. Biz qanundan kənara çıxa bilmərik. Odur ki, Orxan Mirzəzadə qazdan istifadəyə görə yaranmış borcunu mütləq şəkildə ödəməlidir, əks təqdirdə, ona göstərilən qaz xidməti dayandırılacaq”.
Becan.az
Oxşar xəbərlər
{sape_links}