Sülhməramlıların çıxarılmasına hazırlıqlar başlayır
Siyasət
16:02
6.10.2023
1 050
Rusiya Müdafiə Nazirliyinin nümayəndə heyəti Rusiya sülhməramlı kontingentinin Dağlıq Qarabağdan çıxarılmasının vaxtını müzakirə etmək üçün bu gün İrəvana səfər edəcək.
Bu barədə TASS-a diplomatik mənbələrdən məlumat verilib.
"Rusiya Müdafiə Nazirliyinin nümayəndə heyəti bu gün İrəvana səfər edəcək. Ermənistan tərəfi ilə görüşdə Rusiya sülhməramlı kontingentinin Dağlıq Qarabağdan çıxarılmasının konkret tarixləri müzakirə olunacaq", - mənbə bildirib.
"Rusiyanın Dağlıq Qarabağdakı sülhməramlı kontingenti Azərbaycan, Ermənistan və Rusiya liderlərinin 9 noyabr 2020-ci ildə imzaladığı atəşkəs bəyannaməsinə əsasən regionda yerləşdirilib. Rusiya sülhməramlı kontingentinin Qarabağda qalma müddəti müqavilənin imzalandığı tarixdən etibarən beş il müddətinə müəyyən edilib. Əgər müqavilə tərəflərindən heç biri müddətin bitməsinə 6 ay qalmış bu müddəanın tətbiqini dayandırmaq niyyətini bəyan etməsə, müddət avtomatik olaraq daha beş il uzadılır.
2023-cü il sentyabrın 19-da Dağlıq Qarabağda növbəti eskalasiya başlayıb. Bakı hərbi əməliyyatın başlanmasını elan edib. İrəvan baş verənləri “genişmiqyaslı təcavüz” adlandırıb. Rusiya münaqişə tərəflərini qan tökülməsini dayandırmağa və diplomatik həll yoluna qayıtmağa çağırıb. Sentyabrın 20-də hərbi əməliyyatların dayandırılması barədə razılıq əldə olunub və ertəsi gün Azərbaycanın Yevlax şəhərində Bakı və Qarabağın erməni əhalisinin nümayəndələrinin “reinteqrasiya məsələlərini müzakirə etmək üçün” görüşü keçirilib", - deyə, TASS-ın məlumatında bildirilir.
Oxşar xəbərlər
