İsrail Qəzza zolağındakı hədəflərə zərbələr endirir

İsrail ordusu Qəzza zolağındakı hədəflərə cavab zərbələri endirir.

Bu barədə İsrail Silahlı Qüvvələrinin mətbuat xidməti məlumat yayıb.

Qeyd olunub ki, Fələstin anklavından bu gün səhərdən etibarən başlayan kütləvi raket atəşinə cavab olaraq İsrail ordusu Qəzza zolağına hücumlar həyata keçirir.

Xatırladaq ki, İsrail Müdafiə Qüvvələrinin mətbuat xidməti bu gün səhər saatlarından Qəzza zolağından ölkə ərazisinə raketlərin atıldığını təsdiqləyib. Tel-Əviv şəhəri və ətraf ərazilər də daxil olmaqla ölkənin bir çox şəhərlərində həyəcan siqnalı verilib.

Baş verən hadisələr fonunda İsrail ordusu “döyüş hazırlığı vəziyyəti”nə gətirlib və ölkənin müdafiə naziri Yoav Qalant ehtiyatda olan hərbçilərin orduya çağırılması məsələsini təsdiqləyib.

Becan.az