Ekspertdən sərt ittiham: Aqroparklar fermerlərə problem yaradır - VİDEO
İqtisadiyyat
13:27
4.11.2023
777
İqtisadçı ekspert Natiq Cəfərli Bakupost.az-a müsahibəsində aqroparkların fəaliyyətini tənqid edib.
O bildirib ki, Azərbaycanda aqroparklara yanaşma tam bir dövlət müəssisəsinə olan yanaşma ilə eynidir:
"Aqroparklarda özəl sektorun, xarici kapitalın iştirakı, ciddi yatırımlar olsaydı, bunun effektini görərdik. Bizdə kənd təsərrüfatı sahəsinə sosial layihələr kimi də baxırlar. Məsələn, pambıqçılığın inkişafını götürsək, Azərbaycan hökumətinin mövqeyi ondan ibarətdir ki, bu sahədə 200 minə yaxın insan çalışır, az da olsa, maaş alır və sosial gərginlik azalır. Bu, biznes yanaşması deyil.
Aqroparklara da eyni yanaşma var. Onlara biznes yanaşması ilə, özəl sektor məntiqi ilə yanaşılsa, inhisarçılıq meyllərini aradan qaldırmaq mümkün olsaydı, o zaman bəlkə də fəaliyyətləri effekt verərdi".
N.Cəfərli deyib ki, aqroparklar dövlət müəssisəsi kimi işləyir:
"Azərbaycanda da maşallah, bütün dövlət müəssisələri ziyanla işləyir. Yəni, eyni məntiqi ora daşıyırlar: dövlətdən subsidiya, yardımlar, yatırım, təşviqlər. Bütün bunlar ona gətirib çıxarır ki, yalnız aqroparkların idarəçiləri qazanır. Əhalinin qazandığını və ya ixracatda kəskin artımı görmürük. Niyə dövlət müəssisələri ziyanla işləyir? Çünki sadə dildə izah etsək, 5 manatlıq təmiri 50 manatlıq təmir kimi sənədləşdirirlər. Bunu eynilə aqroparklarda da tətbiq edirlər. Ona görə də orada gəlirlilik artmır. Və heç kim də onlardan soruşmur ki, sən bu xərci niyə artırırsan?.."
Ətraflı videoda:
Oxşar xəbərlər
