Tiflis Bakıya xəyanət etdi, yoxsa “maraqlarını” güdür?

12:50 13.11.2023 1 939
Tiflis Bakıya xəyanət etdi, yoxsa “maraqlarını” güdür?

Fransanın 6-cı Paris Sülh Konfransı keçirdiyi günlərdə Ermənistana göndərdiyi “Bastion” zirehli texnikasının Poti limanına çatması nə qədər diqqətçəkicidirsə, Gürcüstan ərazisi ilə bu hərbi texnikanın Ermənistana daşınması bir o qədər müəmmalıdır.

Nəzərə alaq ki, Gürcüstan Baş naziri İrakli Qaribaşvili də məhz həmin gün – 10 noyabrda Paris Sülh Konfransının panel müzakirələrində Tiflisin nə İrəvanı, nə də Bakının dəstəklədiyini bildirmişdi. “Gürcüstan 100 faiz neytrallıq nümayiş etdirir” deyən Qaribaşviliyə inanmamaq üçün səbəb də yox idi – 44 günlük müharibə zamanı Gürcüstan Rusiyadan göndərilən silahların ərazisindən keçməsinə imkan verməmişdi və buna görə Azərbaycandan ən yüksək səviyyədə təşəkkür də almışdı. Hələ ötən ay Azərbaycan Prezidenti İlham Əliyev də Gürcüstana səfər etməklə, Tiflisin regional mövqeyinin güclənməsinə töhfə vermiş, böyük enerji layihələrini bu ölkə ilə gerçəkləşdirməyə hazır olduğunu bildirmiş, hətta İrəvan-Bakı danışıqlarının qonşu ölkədə keçirilməsi barədə təklifləri isti qəbul etdiyini nümayiş etdirmişdi.

Bütün bunlar məhz Tiflisin “neytrallığının” nəticəsi idi. Ancaq Baş nazir İraklinin Paris Sülh Konfransındakı sözləri ilə Gürcüstan ərazisindən Ermənistana şütüyən “Bastion” texnikasının yaratdığı təzad tamamilə başqa mətləbdən xəbər verir.

Belə görünür ki, Gürcüstan öz ərazisindən Ermənistana məhz Rusiya silahlarının daşınmasına razı deyil, ancaq, Qərb silahları, məsələn, Fransa texnikası daşına bilər. Bu, artıq neytrallıq deyil və Tiflisin Bakı və İrəvan arasında platforma olmaq ehtimalını da azaldır.

Gürcüstanın iqtisadi rifahında və tranzit ölkəyə çevrilməsində Azərbaycanın müstəsna xidmətləri var. Tiflis Ermənistandan ciddi “qarşılıqlı iqtisadi fayda” götürmür, Azərbaycanla müqayisədə isə ümumiyyətlə, İrəvanın hansısa xeyirindən danışmaq olmaz. Gürcüstan ordusunun yenidən qurulmasında və inkişafında isə Türkiyə misilsiz rol oynayır – həm təmənnasız yardımları, həm də təlimləri ilə.

Bu baxımdan erməni politoloqlar da əndişələrini dilə gətirmişdilər və bildirmişdilər ki, Hindistan və Fransa ilə silah sazişi və tədarükü haqda müqavilələrin olması hələ bu silahların Ermənistana çatdırılacağı anlamına gəlmir. Əvəzində isə biz İranın Hindistan, Gürcüstanın isə Fransa silahlarını Ermənistana ötürdüyünün şahidi oluruq.

Gürcüstan niyə bu addımı atmalı idi:

1. Fransanın təzyiqlərinə boyun əyib və AB yolunda Fransanın mümkün maneə törətməməsi üçün Parisin tələbini qəbul edib;

2. Zəngəzur dəhlizi Gürcüstanın tranzit ölkə kimi maraqlarına uyğun deyil və dəhlizin açılmaması üçün Ermənistanın hərbi müqavimətinin güclənməsinə çalışır.


İkinci ehtimal həddən artıq zəifdir. Çünki Azərbaycan artıq İran ərazisindən istifadə etməyə qərar verib. Təsadüfi deyil ki, Ermənistan Baş naziri Nikol Paşinyan bunu anlayaraq, qaçırdığı fürsəti geri qaytarmaq ümidi ilə “Dünyanın kəsişməsi” layihəsini irəli sürüb. Hətta Nikol Paşinyanın “dəhliz yox, güzəştli şərtlərlə yol” məntiqi belə yenə də Gürcüstanın tranzit imkanlarını məhdudlaşdırır.

Bu baxımdan birinci variant daha inandırıcı görünür.

Tiflisin Fransanın təzyiqi ilə davranması isə xoş deyil və mütləq Azərbaycan və Türkiyənin cavabı olacaq.

Şeyx Teymur
Oxşar xəbərlər

XƏBƏR LENTİ

19:30

Savadsız cəmiyyət dinə söykənər

11:23

Ən çox və ən az nikah qeydə alınan rayonlar...

11:02

İsmayıllıda zəlzələ baş verib

10:55

Polis əməliyyat keçirdi, 9 nəfər SAXLANILDI - FOTO

07:20

Toxunmayın qazilərimizə, onlar canlı şəhidlərdir!

21:56

DİN sürücülərə xəbərdarlıq etdi

21:50

SON DƏQİQƏ: Rusiya hərbi yük təyyarəsi İrəvana endi - KREML SUSUR

14:25

Xameneinin Azərbaycana nifrətinin əsl səbəbi – İsrail KİV

12:04

"Respublika" və "Xalq" qəzetləri birləşdirldi - FƏRMAN

11:58

Ermənistandan açıqlama: Əbu-Dabi görüşü "Sülhün kəsişməsi" layihəsinə uyğundur

11:08

Ermənistanda rus əsgəri başından vuruldu

10:52

Bir daha Seyid Əzim Şirvani haqqında

22:19

AB-dən Əliyev-Paşinyan görüşünə reaksiya

22:12

Əliyev-Paşinyan görüşündə ümumi razılıq əldə olunub

13:33

Bakı və İrəvan Abu-Dabidə ortaq düşmənə qarşı birləşdi

12:57

Biz işdən çıxardırıq, məhkəmə geri qaytarır... - Emin Əmrullayev

12:47

Əliyev-Paşinyan görüşü - Sülh müqaviləsi olacaqmı?..

19:31

Hüquq müdafiəçisinin həbs müddəti uzadıldı

15:59

Azərbaycanın Ombudsmanından cavabı gözləyirəm - Moskalkova

13:25

Bankların kredit oyunu - Böyük məbləğlər, yüksək faizlər

13:19

Rusiya Ermənistana ordu yığır – Məqsəd...

13:30

Pezeşkian Azərbaycanla bağlı bu iddianı rədd etdi

13:12

DTX-dən təcili əməliyyat... Əhali diqqətli olsun

12:59

Azərbaycanlıları qoruyun! - Çeçen və rus xalqına çağırış - VİDEO

12:42

Qarabağa səfər müddəti artırıldı

12:36

Moskvada "miqrant ovu" davam edir - 500 nəfər saxlanıldı...

09:47

Türkiyədə şəhid olan hərbçilərin sayı artdı

19:45

Kreml həyasızlıq etdi, Əliyev 3 həftə dözdü, sonra... - Kopıtko

19:32

Pezeşkian türklərin ana dilində yazıb-oxumaq haqqını müdafiəyə qalxdı

13:28

Niyə Araz Ağalarov: Kreml Azərbaycana bağlı milyarderi girov götürüb?..

12:52

"Ordumuz qərbdədir, Bakını “yerinə oturtmaq" çətin olacaq"

12:04

İlham Əliyev Əhmədbəyli-Füzuli-Şuşa yolunun açılışında... - FOTO

18:18

Rusiya OMON-un dəhşətləri - Zorakılıqlar dövlət sifarişidir

14:25

Rusiyalı deputat cinayətlərinə haqq qazandırır: Üzr istənməyəcək...

Sabunçu tunelində ölən Elnurun görüntüsü... - VİDEO

Bayrağa bu qədər biganəlik olmaz!
Ağdaş rayonundakı bayraq meydanı viranəni xatırladır - VİDEO