İcra başçısı Əziz Əzizovdan Prezidentə şikayət: “Şəhid ailəsini süründürməzlər” - VİDEO

44 günlük Vətən müharibəsi Şəhidi Ceyhun Səfərovun atası Suraxanı rayon icra başçısı Əziz Əzizovdan Prezident İlham Əliyevə şikayətçidir. Şəhid atasının verdiyi məlumata görə, icra başçısı onu süründürür.

Akif Ağacan oğlu Səfərov bildirib ki, dövlət lahiyəsinə əsasən, şəhid ailəsi kimi, rifahın yaxşılaşdırılması məqsədi ilə, onun üçün Sosial Müdafiə Nazirliyi tərəfindən təkər təmiri ilə bağlı avadanlıqlar ayrılıb.

Akif Səfərov qeyd edir ki, Suraxanı rayonunda “Şam Bağı” adalanan ərazidə bu işi qurmaq üçün uyğun yer də var.

Amma nə fayda dəfələrlə icra hakimiyyətinə müraciət etsə də, onun istəyini nəzərə almayıblar...

Şəhid atasının müraciətini təqdim edirik:

“Mən, Akif Səfərov Ağacan oğlu Azərbaycan Prezidenti cənab İlham Əliyevə müraciət etmək istəyirəm. Şəhid Ceyhun Səfərovun atasıyam. Oğlum 2020-ci ildə 44 günlük Vətən müharibəsində şəhid olub.

Mən cənab Ali Baş Komandana və Azərbaycan xalqına müraciət etmək istəyirəm. Bir müddətdir ki, işlə bağlı mənə yer ayırlması ilə bağlı Suraxanı rayon İcra Hakimiyyətinə müraciət edirəm. Təəssüf ki, icra başçısı Əziz Əzizov mənim istəyim qəbul etmir. Mənə Əmək və Əhalinin Sosial Müdafiəsi Nazirliyi tərəfindən təkər təmiri ilə bağlı avadanlıqlar ayrılıb. Suraxanı rayonunda “Şam Bağı” adalanan ərazidə mənim bu işi qurmağım üçün uyğun yer də var. Təəssüf ki, dəfələrlə icazə üçün qəbula getsəm də, istəyim yerinə yetirilmir.

Şəhid ailəsini oğlum Ceyhunun qanı tökülmüş bir parça torpağa görə yollarda süründürməzlər. Bu yaramaz hərəkətlər nə insanlığa, nə müsəlmançılığa, nə də vicdanı olan məmura yaraşmaz”.(Media.tv)

Qarşı tərəfi dinləməyə hazırıq.