Qızılca zamanı bu vitamin vacibdir...
Təbabət
15:07
6.12.2023
973
Araşdırmalar göstərib ki, qızılca zamanda orqanizmdə A vitamini kəskin düşür. Hiporetinemiya, yəni qanda retinol səviyyəsinin azalması baş verir. Hətta, yaxşı qidalanan, amma qızılca xəstəliyi keçirən uşaqda A vitamini kəskin enmiş olur, nəinki qızılca keçirməyən və pis qidalanan uşaqlarda. Əgər uşaqda vitamin A yetərli deyilsə və qızılca səbəbilə də bu depo bir az da azalırsa, ağırlaşmalar riski artır. Çünki bildiyimiz kimi, A vitamini epitelial örtüklərin tamlığını qoruyur. Qızılcada isə bu örtüklər zədələnir.
"Medicina" xəbər verir ki, pediatr Aytən İsmayılzadə qızılca zamanı yüksəkdozalı A vitamininin vacibliyini açıqlayıb:
"Dəridə gördüyünüz səpkilərdən hər yerdə olur, gözdə, daxili orqanlarda və s. Yəni, virus təsiri ilə baryerlər zədələnir, sətəlcəm inkişaf edir, beyin toxuması da prosesə qoşula bilir.
Vitamin A da çatmazsa, bu hadisənin daha pis şəkildə baş vermə ehtimalı var.
Ümumdünya Səhiyyə təşkilatı xüsusilə vitamin A azlığı yaşanan regionlarda onun yüksək dozada verilməsini təklif edir.
Qızılca zamanı vitamin A yüksək dozada birdəfəlik olaraq verilir. Birdəfəlik, yəni bir gün, bircə dəfə. Günlərlə verilmir. Vitamin A-nın verilmə miqdarı uşaqlarda aşağıdakı kimidir:
6 aydan kiçik uşaqlara 50000 BV;
6-12 ay 100 000 BVn
Bir yaşdan yuxarı 200 000 BV.
Vitamin A yüksək dozada uzun muddət istifadə edilməməlidir. Onun da toksiki təsiri ola bilər.
Unutmayaq ki, vitamin A qızılcanı önləmək üçün deyil, önləmək üçün ancaq peyvənd lazımdır".
Oxşar xəbərlər
