Rusiya xəbərdarlıq etdi: İrəvan üçtərəfli bəyanatı inkar etməklə riskə gedir

"Moskva Bakı ilə İrəvan arasında sülh müqaviləsi olmadığına görə Rusiya, Azərbaycan və Ermənistan liderlərinin razılaşmalarını rədd etmək cəhdlərini son dərəcə təhlükəli hesab edir".

Bakupost.az TASS-a istinadən xəbər verir ki, bunu barədə Rusiya Xarici İşlər Nazirliyinin rəsmi nümayəndəsi Mariya Zaxarova deyib:

“Rusiya, Azərbaycan və Ermənistan liderlərinin 9 noyabr 2020-ci il, 11 yanvar və 26 noyabr 2021-ci il, 31 oktyabr 2022-ci il tarixli bəyanatlarından ibarət üçtərəfli sazişlər toplusu Bakı və İrəvan arasında barışıq üçün alternativi olmayan yol xəritəsidir. Bu, Ermənistan-Azərbaycan normallaşmasının bütün əsas sahələrini əhatə edir: iqtisadi və nəqliyyat əlaqələrinin açılması, Ermənistan-Azərbaycan sərhədinin delimitasiyasını, sülh müqaviləsinin bağlanmasını və ictimaiyyət və ekspert dairələri arasında dialoqun inkişaf etdirilməsini. Bu sazişlər qüvvədə qalır, tərəflərdən heç biri imzasını geri götürməyib.

“Ermənistanla Azərbaycan arasında sülh müqaviləsinin olmaması nəzərə alınaraq, biz bu mühüm sənədləri inkar etmək cəhdlərini son dərəcə təhlükəli hesab edirik. Belə bir addım ilk növbədə Ermənistanın özü üçün ciddi risklərlə nəticələnəcək".

Zaxarova vurğulayıb ki, Moskva Ermənistan və Azərbaycan arasında sülh müqaviləsi üzrə danışıqların növbəti raundunun yaxın vaxtlarda Rusiyada təşkili təklifini təsdiqləyir.

Onun sözlərinə görə, Bakı ilə İrəvan arasında əsirlərin mübadiləsinə dair son sazişlərin və Ermənistan-Azərbaycan sərhədinin delimitasiyası üzrə komissiyanın reqlamenti haqqında razılaşmanın əhəmiyyətinə baxmayaraq, üç ölkə liderlərinin 2021-ci ilin noyabrında razılaşdırdığı real delimitasiya işləri hələ də başlamayıb:

"Avropa İttifaqının missiyasını respublikaya dəvət etmək üçün Ermənistan tərəfi KTMT-nin sərhəd zonalarında vəziyyətin sabitləşdirilməsi mexanizmlərindən imtina edib.

Deməli, yüksək səviyyəli liderlərin qeyd olunan qərarlarının icrasının dayandırılması bəzilərinin iddia etdiyi kimi Moskvanın siyasətinin deyil, İrəvanın hərəkətlərinin qeyri-ardıcıllığının birbaşa nəticəsidir".