Daha bir Vətən müharibəsi qazisi vəfat edib

Vətən müharibəsi qazisi Orxan Quliyev vəfat edib.

İqtisadiyyat.az-ın verdiyi xəbərə görə, 24 yaşlı qazi dünən axşam saatlarında dünyasını dəyişib.

O, bu gün torpağa tapşırılıb.

Qeyd edək ki, Sabirabad rayonunun Azadkənd kənd sakini Orxan Cümşüd oğlu Quliyev Vətən müharibəsində bir ayağını itirib.

O, Ağdamda gedən döyüşlər zamanı ayağından qəlpə yarası alaraq Bakıda hospitala yerləşdirilib və əməliyyat olunub, amma sağalaraq 14 gündən sonra təkrar döyüşlərə qatılıb. Müharibədən sonra isə ayağındakı şiş səbəbilə yatağa məhkum olub.

O, sağ baldırında olan şiş toxumasının böyüməsi səbəbindən bu ilin aprelin 18-də Sabirabad Rayon Mərkəzi Xəstəxanasından Milli Onkologiya Mərkəzinə göndəriş əsasında köçürülərə əməliyyat olunub və ayağı amputasiya edilib.

Allah rəhmət eləsin!