Fermerlərin bazara yolunu kimlər bağlayır? - AÇIQLAMA
İqtisadiyyat
12:29
15.01.2024
777
“Bu gün fermerlərin əsas problemlərindən biri də bazara birbaşa çıxışlarının olmamasıdır. Bu səbəbdən onlar məhsullarını bazara çıxara bilmirlər. Əvəzində iş adamları onların yetişdirdiyi məhsulu alıb istehlakçılara daha baha qiymətə satır. Yəni, fermerlərlə müqayisədə iş adamları onların məhsulundan daha çox qazanc əldə edir”.
Bu fikirləri iqtisadçı ekspert Natiq Cəfərli bildirib.
Onun sözlərinə görə, fermerlərin birbaşa bazara çıxışı üçün onlara sözügedən ticarət mərkəzləri ilə müqavilə bağlamaq imkanı yaradılmalıdır:
“Ölkə əhalisinin az qala 40-44 faizi Bakıda yaşayır. Ona görə də əsas bazar paytaxtda yerləşib. Bu gün Bakıda ənənəvi bazarlar demək olar ki, qalmayıb. Ənənəvi bazarları marketlər şəbəkəsi əvəzləyib ki, hər birinin də kənd təsərrüfatı məhsullarının satıldığı ayrıca bölmələri var. Məhsul istehsal edən fermerlərin isə birbaşa həmin şəbəkələrə çıxış imkanları yoxdur. Bir neçə ara şirkət fermerlərin məhsulunu alıb, həmin marketlərə satışa təqdim edir. Nəticədə aqrar sahədə çalışanlarla müqayisədə onlar daha çox qazanırlar. Fermerlərə marketlər şəbəkəsinə birbaşa çıxış imkanları yaradımalsa, problem öz həllini tapacaq”. (Bakupost.az)
Oxşar xəbərlər
