Moskva yaxınlığındakı terror aktında ölənlərin sayı 99-a çatıb

Dünən Moskva yaxınlığında yerləşən "Crocus City Hall" konsert zalında atışma olub.

Bu barədə TASS məlumat yayıb.

Məlumata görə, zalda atışma səsi eşidilib, bundan sonra insanlar oranı tərk etməyə başlayıblar.

"RİA Novosti" bildirib ki, kamuflyaj geyinmiş üç naməlum şəxs insanlara atəş açıb.

Xəbərə görə, Rusiya İstintaq Komitəsi “terror aktı” maddəsi ilə cinayət işi açıb.

Rusiya Fövqəladə Hallar Nazirliyinin son məlumatına görə, hadisə nəticəsində ölənlərin sayı 99 nəfərə çatıb.

Yaralananların sayının isə 140-dan çox olduğu bildirilir.

Telegram kanallarının yaydığı məlumata görə: “Xeyli sayda meyit tualetlərdə, bəslənmə otağı və təmizləyicilərin inventar saxladığı otaqlarda – insanların atəşdən gizləndiyi yerlərdə tapılıb. Çoxları sadəcə tüstüdən boğulub, bədənlərində heç bir xəsarət olmayıb”.

Yayılan məlumatlara əsasən, "Crocus City Hall" azərbaycanlı iş adamı Araz Ağalarova məxsusdur.

Becan.az