Ermənistanda müxalifət liderləri keşişin arxasında gizlənib

Nikol Paşinyanın istefasını tələb edən hərəkatın baş nazirliyə namizədi Baqrat Qalstanyan olmalıdır.

Becan.az Axar.az-a istinadən xəbər verir ki, bu iddia ilə Ermənistanın keçmiş xarici işlər naziri Vardan Oskanyan çıxış edib.

“Hesab edirəm ki, dünən parlamentə daxil olmaq və Nikol Paşinyana etimadsızlıq prosesinə başlamaq üçün artıq parlamentin siyasi qüvvələri ilə məsləhətləşmələr apardığını elan edən Baqrat Qalstanyan düzgün yoldadır. Konstitusiya da bu qüvvələrin baş nazirliyə namizədlərini təqdim etmələrini tələb edir. Hazırda hesab edirəm ki, baş nazir postuna namizəd Baqrat Qalstanyan olmalıdır”, - deyə, Oskanyan bildirib.

Oskanyan hər kəsi Baqratın əsgəri olmağa çağırıb.

Qeyd edək ki, Ermənistanda xalq müxalifət liderlərinə inanmır və onlara etimad çox aşağı səviyyədədir. Buna görə də erməni müxalifəti keşiş Baqratın arxasında gizlənib, onu qabağa veriblər və keşişi baş nazir etmək təşəbbüsü də göstərilir.