Paşinyan: "Azərbaycan və Ermənistan nəqliyyat və digər kommunikasiyaları bərpa edəcək"

Azərbaycanla əldə olunan razılaşmaların sülh müqaviləsinə daxil edilməsinin və imzalanmasının vaxtı çatıb.

Erməni mediası xəbər verir ki, bunu Ermənistanın Baş naziri Nikol Paşinyan Kopenhagen Demokratiya Sammitində çıxışı zamanı deyib.

Onun sözlərinə görə, Ermənistan sülhün davamlı olacağına inanır.

“Hökumətim buna görə məsuliyyəti öz üzərinə götürüb. Biz bu yaxınlarda Azərbaycanla 1991-ci il Alma-Ata Bəyannaməsi əsasında dövlətlərarası sərhədlərimizin demarkasiyası prosesinə başlamaq barədə razılığa gəldik. Bu, o deməkdir ki, demarkasiya zamanı, biz, sadəcə olaraq, Sovet Ermənistanı ilə Sovet Azərbaycanı arasında Alma-Ata Bəyannaməsinə görə dövlət sərhədlərinə çevrilən inzibati sərhədləri bərpa etməliyik”-deyə, Paşinyan bildirib.

Paşinyan Ermənistan və Azərbaycan arasındakı yeni layihədən də söz açıb:

“Regional sabitliyimiz üçün daha bir mühüm məqam hökumət tərəfindən irəli sürülən “Dünyanın kəsişməsi” layihəsidir. Bu layihə onu nəzərdə tutur ki, Ermənistan və Azərbaycan ölkələrin suverenliyi və yurisdiksiyası altında, bərabərlik və qarşılıqlılıq prinsiplərinə uyğun olaraq, nəqliyyat və digər kommunikasiyaları bərpa edib, açacaqlar”.

O, əldə olunmuş razılaşmaların həyata keçirilməsi istiqamətində irəliləməyə hazır olduqlarını vurğulayıb:

“Mən, vurğulamaq istəyirəm ki, demokratiya Ermənistan üçün strategiyadır. Biz, demokratiyaya inanırıq, demokratiyada yaşayırıq”.

Becan.az