Daha 3 məktəb direktoru işdən azad olundu

Masallıda rayonunda 3 məktəb direktoru vəzifəsindən uzaqlaşdırılıb.

Xəbər verilir ki, bunlar rayonun Türkoba, Köhnə Alvadı və şəhər 3 saylı tam orta məktəbin rəhbərləridir.

Direktorlar işdə yol verdiyi nöqsanlara və Lənkəran-Astara Regional Təhsil İdarəsinin (LARTİ) apardığı yoxlamaların nəticəsinə əsasən vəzifələri ilə vidalaşıblar.

Xəbərə görə, Masallı şəhər 3 saylı tam orta məktəbin direktoru Astan İbişov (Masallı Təhsil Şöbəsinin sabiq müdiri) artıq Köhnə Alvadı kənd tam orta məktəbinə təyinat alıb.

Qeyd olunur ki, cənib bölgəsinin digər rayonlarında da bəzi məktəb direktorları vəzifələrindən kənarlaşdırılıb. Məlumat LARTİ tərəfindən təsdiqlənib. Yaxın vaxtlarda bu barədə rəsmi məlumatın yayılacağı gözlənilir.

Becan.az