Pezeşkianı Kirmanşah və Urmiyada onminlərlə seçici qarşılayıb

Prezidentliyə namziəd Məsud Pezeşkian bu gün Qərbi Azərbaycan əyalətinin mərkəzi Urmiya şəhərinə səfər edib.

Xəbər verilir ki, bu barədə yerli media məlumat yayıb.

Urmiya hava limanında Məsud Pezeşkianı minlərlə urmiyalı qarşılayıb, "Azərbaycan var olsun, istəməyən kor olsun" şüarları səsləndiriblər.

Urmiyada izdiham qarşısında çıxış edən azərbaycanlı namizəd bir daha verdiyi vədləri yerinə yetirəcəyinə söz verib.

Urmiyalılar "Səttar xan, Baqir xan, Məsud xan" şüarları ilə ona dəstək veriblər.

Umiyadan əvvəl Kirmanşahda da on minlərlə insan tərəfindən qarşılanan Pezeşkianın görüşünü İranın bir sıra nüfuzlu media orqanları "misli görünməmiş qarşılanma" başlığı ilə yayıb.

Hazırda Pezeşkianın çıxış etdiyi Urmiyanın "Gənclər evi" idman kompleksinin ətraf küçələrində izdihamlı dəstək aksiyası keçirildiyi üçün yollar bağlanıb.

Becan.az