Ukraynada bir neçə yüksək çinli məmur vəzifədən kənarlaşdırılıb

"Report" Ukrayna KİV-lərinin məlumatlarını paylaşıb:

Ukrayna Prezident Ofisi rəhbərinin müavini Kirilo Timoşenko istefa verib.

Onun istefasının səbəbi hələ məlum deyil.

Qeyd edək ki, bundan əvvəl Ukrayna Prezident Ofisinin müşaviri Oliksiy Arestoviç də istefa verib.

Ukrayna Prezidenti Volodimir Zelenski Ukrayna Prezident Ofisi rəhbərinin müavini Kirilo Timoşenkonun istefasını təsdiqləyib.

Bu barədə Ukrayna Prezidentinin Mətbuat Xidmətindən bildirilib.

...
Ukrayna Baş prokurorunun müavini Aleksey Simonenko da vəzifəsindən azad edilib.

Bu barədə ölkə Prezidenti Volodimir Zelenski müvafiq sənəd imzalayıb.

A.Simonenkonun vəzifəsindən azad edilməsinin də səbəbi hələ açıqlanmayıb.

Qeyd edək ki, O, 2022-ci ilin iyul ayında bu vəzifəyə təyin olunmuşdu.

...
Ukrayna müdafiə nazirinin maddi-texniki təminat üzrə müavini Vyaçeslav Şapovalov da istefaya gedib.

Nazir Oliksiy Reznikov istefaya razılıq verib.

V,Şapovalov ərzaq məhsullarının alınması ilə bağlı qalmaqaldan sonra vəzifəsindən azad edilib.


Becan.az