Çaqqal izi Qurd izinə qarışanda... - BELƏ OLUR!

Məhəmməd ƏRSOY,
Dia-az.İnfo






Elə bir duruma yetişmişik ki... Qurd izinə boğaza qədər çaqqal izi qarışıb... İllərdir bu yolu təmənnasız seçənlər və bu yolu yaşam tərzinə çevirənlər elə bil şübhəli duruma salınıblar ki, hətta hər qarışına baş qoyduqları vətənlərinə sevgi ifadəsində belə çətinlik çəkirlər... Saxtakarların onları saxtakar adlandıra biləcəyindən ehtiyatlanaraq... Qurd qiyafəli çaqqalların gerçək Boz Qurdları keçi qiymətinə satacağından qorxaraq...

Çünki bizlər üçün ən ümdə olanı XAİN damğasını almamaq olub... İrana, Küveytə tapınana nə var ki... Onların işləri, yaşamları zatən xəyanət olduğundan, bellərinə Cinayət Məcəlləsinin bütün maddələrini yükləsən belə, umurlarında belə deyil... Çünki ən ağır cinayətin zatən törədicisidirlər...

Bizlərin isə tək cinayəti bu vətəni sevmək olub... İndi, di gəl, bu soxhasoxda özünü sübut elə... Əlimizi Boz Qurd səmtinə düyünləməkdən belə qorxuruq ki, damğalana bilərik...

HARDAN HARA GƏLDİK... Bizə "əşi siz də nə türk-türk salmısınız" deyənlər, az qala, TÜRK DÜŞMƏNİ kimi silisə çəkirmiş kimi göründükcə... adam bir sabunlu kəndir axtarmalı olur...

Nə edək... Hara gedək... Necə edək...
Ki, damğalanmayaq?..

Vətənə olan sevgimizi belə... hara qoyacağımızı bilmirik... Yox bir... hamısı ŞUŞA SEVDALISI OLUBMUŞ...

İmza: Hələ də azad olunmuş torpaqlarımıza barmağının ucu ilə belə toxunmayan... toxuna bilməyən... toxunması yasaq olan.... MƏN!..