Rusiyanın keçirəcəyi birgə təlimlər Qərbi hirsləndirib

Rusiya, Çin və Cənubi Afrikanın iştirak edəcəyi qarşıdan gələn dəniz təlimləri ilə bağlı xəbərlər Qərbi qəzəbləndirib.

“Yenixeber.org” Fransanın “L'Opinion” nəşrinə istinadən məlumat verir ki, birgə təlimlərin keçirilməsi barədə qərar Rusiyanın xarici işlər naziri Sergey Lavrovun Afrikaya səfəri zamanı qəbul edilib. Qeyd olunur ki, CAR ABŞ və Avropanın Rusiya əleyhinə tətbiq etdiyi sanksiyaları dəstəkləmir.

Fransız nəşri yazır ki, bu xəbər Qərbi hiddətləndirib, çünki onlar qarşıdakı təlimləri təhlükə kimi görürlər. Eyni zamanda, söhbət təkcə hərbi təhlükədən getmir – belə tədbirlərin keçirilməsi “Rusiyanı təcrid etmək” cəhdlərinin istənilən nəticəni vermədiyini açıq şəkildə nümayiş etdirir.

Təlimlərin özlərinə gəlincə, onların təxmini keçirilmə tarixləri artıq əvvəllər açıqlanıb. Onların bu il fevralın 17-dən 27-dək keçirilməsi planlaşdırılır.

Səadət SULTAN
Becan.az