"Tramp keçmişdə baş verənlərdən nəticə çıxartmalıdır"
Siyasət
11:36
24.11.2024
77
"Trampın Suriyada nə edəcəyi ilə bağlı hələlik kifayət qədər məlumat yoxdur. Bununla belə, onun bəzi yanaşmalarına əsaslanaraq, nə edə biləcəyi ilə bağlı proqnozlar var. Lakin bunu əsas götürsək, düzgün dəyərləndirmə aparmaya bilərik".
Xəbərə görə, bunu Türkiyə xarici işlər naziri Hakan Fidan deyib.
Nazir daha sonra bildirib:
“ABŞ Suriyada PKK ilə əməkdaşlıq etdikcə Türkiyə ilə bağlı strateji problem məsələsi təbii ki, davam edəcək. Təhlükəsizlik yönümlü xarici siyasət yürüdən ABŞ əslində Türkiyəni başa düşmək üçün ən yaxşı vəziyyətdə olmalıdır. Bizim vəzifəmiz həm diplomatik gedişlərimizlə, həm də meydandakı addımlarımızla bu məsələdə mövqeyimizi açıq şəkildə nümayiş etdirməkdir. ABŞ Tramp dövründə Suriyadan çəkilmək istədi, buna cəhd etdi. Lakin o vaxtkı ABŞ sistemi buna məhəl qoymadı və razılaşmadı. Prezidentin birbaşa göstərişinin müdafiə bürokratlarının gözündə o qədər də hərbi əhəmiyyət kəsb etmədiyi müşahidə olundu. Təbii ki, Tramp keçmişdə baş verənlərdən nəticə çıxartmalıdır”.
Becan.az
Oxşar xəbərlər
