Bakıdan xaricə istiqamətlənən aviareyslərin uçan qiymətləri...

2024-cü ildə Bakıdan xaricə birbaşa aviareyslərin ən yüksək orta qiyməti Qətərin paytaxtı Doha istiqamətində qeydə alınıb.

Xəbər verilir ki, bu barədə Dövlət Turizm Agentliyinin hesabatında bildirilib.

Məlumata görə, Azərbaycan paytaxtından Dohaya birbaşa uçmaq 544 avroya, tranzit yolla uçmaq isə 493 avroya başa gəlib.

2-ci yerdə Bəhreynin paytaxtı Manama qərarlaşıb. Bu şəhərə birbaşa və tranzitlə uçuş haqları müvafiq olaraq 506 avro və 334 avro təşkil edib.

Növbəti yeri İngiltərənin paytaxtı London tutub. Bu şəhərə birbaşa uçuş 393 avroya, tranzitlə uçuş isə 538 avroya başa gəlib.

Ötən il Bakıdan tranzit aviareyslərin ən yüksək orta uçuş qiyməti 1 361 avro olmaqla Almaniyanın Frankfurt şəhəri istiqamətində qeydə alınıb.

İlk üçlüyə Çexiyanın paytaxtı Praqa 1 153 avro və Polşanın paytaxtı Varşava 783 avro qiymətlə daxil olub.

Bundan əlavə, Azərbaycandan əsas istiqamətlər üzrə Rusiya, Türkiyə, BƏƏ və Gürcüstana olan uçuş qiymətləri də diqqət çəkib.

Ötən il Rusiyaya birbaşa aviareyslərdə ən yüksək orta qiymət 321 avro ilə Novosibirsk şəhərinə olub. Bu şəhərə tranzit uçuş isə 551 avroya başa gəlib.

Bundan başqa, ötən il Türkiyəyə birbaşa aviareyslərdə ən yüksək orta qiymət 159,9 avro ilə İstanbul şəhərinə olub. Bu şəhərə tranzit uçuş isə 391 avroya başa gəlib.

2024-cü ildə BƏƏ-yə ən yüksək orta qiymət Dubaya olub. Bu şəhərə birbaşa uçmaq 227 avroya (- 19,7 % ), tranzitlə 313 avroya ( - 34,1 %) başa gəlib.

Ötən il Gürcüstanın paytaxtı Tiflisə isə birbaşa uçmaq 71,2 avroya, tranzitlə uçmaq 296 avroya başa gəlib.

Becan.az