Rəsmi Bakı İranda sabitliyə çalışır - İrina Fyodorova
Siyasət / Manşet
13:31
4.02.2026
364
"Bu yaxınlarda Azərbaycan prezidenti ilə iranlı həmkarı arasında telefon danışıqları baş tutdu və İlham Əliyev İran ətrafındakı gərginliyin həllinə töhfə verməyi təklif etdi. Azərbaycan heç bir şəkildə İrana zərbələr endirmək üçün öz ərazisini və hava məkanını təmin etməyəcəyini bəyan etdi".
Xəbər verilir ki, bunu rusiyalı iranşünas İrina Fyodorova İranla ABŞ arasındakı mövcud vəziyyət, eləcə də Azərbaycanın bu sahədə gərginliyin azaldılmasına mümkün töhfəsi barədə danışarkən deyib.
“Azərbaycanın qapısının ağzında müharibəyə ehtiyacı yoxdur. Və Bakı həmişə mümkün qədər İranla münasibətləri yaxşılaşdırmağa, onları sabitləşdirməyə çalışır. Son günlərdə Azərbaycan və İran hakimiyyət nümayəndələri arasında intensiv telefon əlaqələri müşahidə olunur. Tərəflər vəziyyətlə bağlı fikirlərini müqayisə etməyə çalışırlar. Ola bilsin ki, Tramp dövründə Azərbaycanla ABŞ arasında münasibətlərin yaxşılaşması, eləcə də Azərbaycanla İsrail arasındakı yaxşı münasibətlər nəzərə alınmaqla, Bakı gərginliyin soyumasına öz töhfəsini verə bilər. Prezidentlər Pezeşkian və Əliyev arasında yaxşı münasibətlər qurulub”, - o bildirib.
Qeyd edək ki, İlham Əliyev Pezeşkianla 31 yanvarda telefon əlaqəsi saxlamışdı.
Becan.az
Oxşar xəbərlər
