Türkiyədə güclü zəlzələ olub - Ölənlər var...(VİDEO, FOTO)

Türkiyədə 7.4 bal gücündə zəlzələ olub. Bakı vaxtilə saat 07.30-a olan məlumata əsasən, 7 şəhərdə baş verən zəlzələ nəticəsində 76 nəfər ölüb, 440 nəfər yaralanıb.

Bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Qaziantep şəhərində ölkədə baş verən güclü zəlzələdən sonra 6.4 maqnitudalı afterşok qeydə alınıb.

Bildirilib ki, yeraltı təkanların ocağı 6.98 km dərinlikdə, şəhərin Nurdağı rayonunda qeydə alınıb. Afterşok Bakı vaxtı ilə 05:26-da baş verib.

Məlumata görə, bölgədə təkrar təkanlar davam edir.

Becan.az: Təbii fəlakət nəticəsində çoxsaylı insan təlafatı ilə qarşılaşmış qardaş Türkiyə Xalqına başsağlığı veririk, dünyasını dəyişənlərə Allahdan rəhmət, yaralı soydaşlarımıza şəfa diləyirik!