Təbriknamə

Haqq - həmişə, hər yerdə var!

Qara saçları çiyninə tökülmüş, başında qara kəndirlə sarınmış teyləsan, qara, uzun, qursagadək saqqal, qara, böyük sürməyi gözləri, boynunda bir pud gələn zəncir, arxasında bir ceyran dərisi... Bu idi onun qiyafəsi...
Yol gedəndə heç kəslə danışmazdı.. Heç kəsin sualına cavab verməzdi... Dilindən ancaq bu sözlər eşidilərdi :
- Haqq mövcud! Haqq mövcud! (Ə.Haqverdiyev, "Haqq mövcud" hekayəsindən)
Yola saldığımız 2022-ci il, qismən də olsa, haqqın mövcudluğu ilə yadda qalacaq: Tərtər hadisələrində günahsız həbs olunmuş hərbçilərimizin azadlığı; işgəncələrlə qətlə yetirilmiş hərbçilərimizin bəraət alması və bunun fonunda mənəvi, fiziki əzab cəkmis çoxsaylı hərbçilərimizin, az da olsa, təsəlli tapmasi;
naxçıvanlıların 27 illik əsarətdən azad olunması; bir çox nifrətlə yad olunan məmurların vəzifədən uzaqlaşdırılması və s!..
Bu kimi hadisələr düşünməyə imkan verir ki, təzə qarşıladığımız 2023-cu ildə xalqımız yuxarıda təsvir olunan dərvişsayağı şəkildə yox, adi geyim-kecimdə, yol gedərkən, istirahət edərkən, dua edərkən, desin ki, "Haqq mövcud!", "Haqq mövcud!"...
Bu iki kəlməni - tökdüyü qanlarla nifrət qazanan Rus imperiyası çökəndə, Ukrayna xalqı qalib gələndə - bütün dünya da deyəcək:
- Haqq mövcud! Haqq mövcud!
O zaman yaşadığımız illər də gözəl olacaq, nəinki bizdə, bütün dünyada həmrəylik müqəddəs bir duyğuya çevriləcək!
Hələlik, Yeni ilinizi təbrik edirəm, haqqın movcud olacagi bir il arzulayıram!