Hacıyev müstəqil mediaya qarşı gələnlərə "vicdanınız olsun!" - dedi

"Əhməd İsmayılov Əli Həsənov və Ramiz Mehtiyev yolunu davam etdirir"

Bir neçə gündür "Media İnkişaf Agentiliyinin yaratdığı MEDİA Reyestrinə düşməyənlər jurnalist kimi faliyyət göstərə bilməzlər" - mövzusu demək olar ki, jurnalistlər arasında çox ciddi qalmaqala səbəb olub. Ötən gün Repressiya və İşgəncələr Əleyhinə Komitənin ofisində toplaşan müstəqil media qurumları, demək olar ki, media haqqında qəbul olunmuş qanunu legitim tanımadılar və qanunun fəaliyyətinin dayandırılmasını tələb etdilər. Əks halda, onlar artıq bu cür toplantıları hansısa qapalı məkanlarda yox, Media İnkişaf Agentiliyinin qarşısında keçirməyi qərara aldılar.

Mövcud problemə Müasir Musavat Partıyasının sədiri Hafiz Hacıyev də münasibət bildirib. H.Hacıyev açıqlama verib ki, Əhməd İsmayılovun bu addımı müstəqil mediyaya qarşı yox, bütün Azərbaycan xalqına və əsas da dövlət başçısına qarşı olan addımdır: "Dünyada mediyaya yer verilən bir dönəmdə Azərbaycanda bu cür qərarların verilməsi Azərbaycan mediasının dünyadan təcrid edilməsi deməkdir."

Partiya sədri daha sonra bildirib: "Görünür, Əhməd İsmayılova tapşırıq verən elə eyni adamlardır - Ramiz Mehtiyev, Əli Həsənov və digərləri. Bunlar istəsəydi, mətbuat azadlığına böyük yer verərdilər, dünya da bunu istəyir. Bunu etmək əvəzinə, bunlar Rusiyadan gələn planları yerinə yetirirlər. Hər halda, yenə mediyaya nəzarət edənlər, görünür köhnə komandanın üzvüləridir. Ramiz Mehtiyevdən tapşrıq alıb, sizin kimi müstəqil mediani dövlət başçsı ilə üz-üzə qoyub, ləzzət alırlar. Bu da sona kimi davam etməyəcək. Nə qədər gec deyil, nəticə çıxarsınlar."

H.Hacıyev sonra MİA-nın rəhbərlərinə səslənərək, od püskürüb: "Buradan səslənirəm: Vicdanınız olsun! Medianı bu qədər basqı altında saxlayıb, incitməyin! Dövlət başçısının üstünə qaldırmayın! Dünya bizə baxıb gülür! Müstəqil media nə yazır ki - bunların korrupsiyasından, bunların villalarından, pirezdentə etdikləri xəyanətdən! Təbii ki, bu da bəzi qüvvələrə sərf etmir.

Əhməd İsmayılovun özünün mətbuatdan xəbəri yoxdur. Azərbaycanda nə qədər müstəqil media "Reaksıya.TV", "Kanal13.Tv" və başqa adlarını sadalaya bilmədiyim kanallar, saytlar var, heç birini qeydiyyata almayıblar. Bu qədər şərəfsizlik olar?!.

Bu adam kimin adamdır gətirib qoyublar ora?! Səviyyəli bir adam olduğunu da düşünmürəm. Mediadan anlayışı olmayan adamı gətirib itələyiblər media içinə. Qərbi Azərbaycanda əlində kabab satanlar, gəlib özünə media qurub, aylıq paketini alır. Gedib, bizim kimi siyasətçini, sizin kimi mustəqil medianı ləkələməklə məşgul olurlar. Bunların da sonu Əli Həsənov, Ramiz Mehtiyev kimi olacaq!"(azerbaycanreallığı.com)

Becan.az