Zelenskinin bunkerdəki otağı nümayiş edilib

Ukrayna prezidenti Vladimir Zelenski jurnalistlərə 2022-ci il fevralın 24-dən bəri yaşadığı bunkerdəki otağı göstərib.

Görüntüləri Ukraynanın “1+1” telekanalı yayıb.

Qeyd olunur ki, otaq prezidentin inzibati binasında yerləşir.

Zelenski videoda “Bir ildir ki, burada yaşayıram”,- deyib.

Kadrlarda kiçik bir otaq görüntülənir. Otağın pəncərələri var, amma pərdələrlə sıx örtülüb. Həmçinin, Zelenskinin otağında çarpayı, televizor, iş masası, tualet və bir neçə eyni xaki sviterin asıldığı dolab görünür.

Bundan əvvəl “Vatfor” layihəsi ehtimal şəklində məlumat vermişdi ki, Ukrayna prezidentinin bunkeri onun kabinetinin altında 93 metr dərinlikdə yerləşə bilər.

Becan.az