"Şamaxı"dan gözlənilməz qələbə

Məlum olduğu kimi, Azərbaycan Premyer Liqasında XXIV turun oyunları keçirilir.

Bu gün ilk oyunu Şamaxıda keçirilib və eyniadlı komanda ikinci pillədə qərarlaşan "Sabah"ı qəbul edib.

Oyun gözləntilərin əksinə olaraq, meydan sahiblərinin qələbəsi ilə yekunlaşıb. "Şamaxı"nın qollarına Amil Yunanov (72 və 90-5ci dəqiqələr) imza atıb. "Sabah"ın qolunu isə Aleksey Kaşuk (77) rəqib qapısından keçirib.

Turnir cədvəlinin ikinci pilləsində qərarlaşan "Sabah” 53 xalda qalıb. "Şamaxı” isə xallarının sayını 19-a çatdıraraq, son pillədən qurtulub.

Becan.az