"Mingəçevir" fk Şamaxıda qəzaya düşdü - oyun təxirə salındı

Bu gün “Mingəçevir” futbol komandası I divizionun 20-ci turu çərçivəsində “Şamaxı” ilə səfər oyununa gedərkən yolda qəzaya uğrayıb. Hadisə Şamaxı-İsmayıllı yolunda baş verib.

Qəza nəticəsində komandanın baş məşqçisi Zaur Qarayev xəsarət alıb. O, xəstəxanaya yerləşdirilib. Hadisə zamanı avtobusda 20 futbolçu olub, onların sağlıq durumunda problem olmadığı bildirilir.

Klubun mətbuat xidmətinin rəhbəri Elnur Qasımov açıqlamasında bildirib ki, hazırda komanda Mingəçevirə qayıdır. Onun sözlərinə görə, Zaur Qarayevin həyati təhlükəsi yoxdur.

Məlumata görə, fors-major hal nəzərə alınaraq, bu günə nəzərdə tutulan “Şamaxı-2” – “Mingəçevir” görüşü təxirə salınıb. Oyunun nə vaxt keçirilməsi ilə bağlı əlavə məlumat veriləcək.

Becan.az