Azərbaycan və İran XİN başçıları gərgin vəziyyəti telefonda müzakirə ediblər

Azərbaycan xarici işlər işlər naziri Ceyhun Bayramov və İran XİN başçısı Hüseyn Əmir Abdullahian arasında telefon danışığı baş tutub.

Bu barədə İranın "İrna" informasiya agentliyi məlumat yayıb.

Bildirilir ki, telefon danışığı zamanı nazirlər baş verən hadisələrlə bağlı geniş müzakirələr aparıblar. Bakı və Tehran arasında ikitərəfli münasibətlər və bəzi regional məsələlərə toxunulub, mövcud vəziyyətdən çıxış yolları müzakirə edilib.

"Yenixəbər"in məlumatına görə, danışıq zamanı Azərbaycanla İran arasında mövcud olan layihələrin icrası ilə bağlı razılıq əldə olunub. Eləcə də, anlaşılmazlıqların aradan qaldırılması üçün danışıqların davam etdirilməsinin vacibliyi vurğulanıb.