Ordumuz düşmənin komanda-qərargah maşınını məhv edib

Azərbaycan ordusu Basarkeçər rayonunun Zod istiqamətində erməni bölmələrinin yerdə kəşfiyyat və atəşə nəzarəti təmin edən komanda-qərargah avtomobilini sıradan çıxarıb.

Bakupost.az xəbər verir ki, bu barədə “Caliber” məlumat yayıb.

Bildirilib ki, məhv edilmiş komanda idarəetmə maşınından Ermənistan silahlı qüvvələri ordumuza qarşı təxribat törətmək üçün istifadə etdiyi zərbə və kəşfiyyat PUA-larına nəzarət edib.

Məlumata görə, erməni ordusunun şəxsi heyətində ciddi itkiləri var.